تراویح میں سجدۂ تلاوت ۔ جامعہ علوم اسلامیہ بنوری ٹاؤن کراچی

تراویح میں سجدۂ تِلاوت کا طریقہ

فتویٰ جامعہ علوم اسلامیہ بنوری ٹاؤن کراچی کی رو شنی میں

پیشکش: مفتی محمد امتیاز پَلاموی،مظاہری

تراویح پڑھانے والے بہت سے حفاظ کرام کو صرف اتنا مسئلہ معلوم ہے کہ اگر سجدۂ تلاوت والی آیت پڑھ کر سجدۂ تلاوت نہ کرسکے اور رکوع یا سجدہ میں اس کی نیت کرلی جائے تو سجدۂ تلاوت بھی ادا ہوجائے گا، اس لیے ان سے بارہا یہ غلطیاں واقع ہوتی ہیں اور جب ان کو ایسا لگتا ہے کہ سجدہ تلاوت کریں گے تو اگلی آیت بھول جائیں گے، اس لیے اصل جگہ پر سجدہ نہ کرکے رکوع یا نماز کے سجدہ میں سجدۂ تلاوت کی نیت کر لیتے ہیںڈ جو بہت بڑی غلطی ہے، یہ مسئلہ ہر آیت سجدہ کے لیے نہیں ہے ؛ بلکہ اس میں تفصیل ہے:

چنانچہ اس مسئلہ کی نوعیت اور اس کی وضاحت کے لیے جامعہ علوم اسلامیہ بمنوری ٹاؤن کا ایک فتویٰ قارئین کی خدمت میں پیش کیا جاتا ہے ؛ تاکہ اس مسئلہ کی نوعیت اور حقیقت سے واقف ہوسکیں۔

فتویٰ بنوری ٹاؤب

سوال: تراویح میں سجدہ کی آیت پر تلاوت نہ کیا اور نماز پوری کردی ، اس کا کیا حکم ہے؟

جواب: نماز میں آیت سجدہ کی تلاوت کے بعد تین آیت پڑھنے سے پہلے پہلے اگر نماز کے اندر سجدہ نہیں کیا اور آیت سجدہ کے بعد تین آیت سے پہلے پہلے رکوع بھی نہیں کیا اور نماز ختم ہوگئی تو پھر اس سجدہ کی قضاء نہیں ہوسکتی، کیوں کہ قضاء کا وقت نکل گیا، البتہ سجدہ تلاوت نہ کرنے کی وجہ سے اس پر توبہ و استغفار کرنا اس پر لازم ہے۔ لیکن اگر کسی نے سجدۂ تلاوت کیے بغیر دونوں طرف سلام پھیرلیا اور پھر نماز کے منافی کوئی کام ( مثلاً بات چیت کرنا، چہرہ اور سینہ قبلہ سے پھیر لینا یا اٹھ کر چلے جانا وغیرہ) کرنے سے پہلے ہی اسے یاد آگیا کہ اس نے آیت سجدہ پڑھنے کے باوجود سجدہ تلاوت نہیں کیا تھا تو وہ اسی وقت سجدۂ تلاوت کرلے اور پھر سجدۂ سہو کے ساتھ نماز مکمل کرلے۔

اوراگر آیت سجدہ کی تلاوت کے بعد تین آیت پڑھنے سے پہلے رکوع کرکے رکوع میں سجدۂ تلاوت کی نیت کرلی تھی تو رکوع میں سجدۂ تلاوت ادا ہوگیا، اور اگر اسی صورت میں رکوع میں سجدۂ تلاوت کی نیت نہیں کی تھی تو بھی اس کے بعد سجدۂ صلاتیہ ( نماز کے سجدہ) میں سجدۂ تلاوت بھی حکماً ادا ہوگیا۔ ( الدرالمختار مع حاشيه ابن عابدين ۲؍ ۱۰۹)

والله تعاليٰ اعلم

فتویٰ نمبر: 144008201223

اس فتویٰ سے یہ واضح ہوگیا کہ آیت سجدہ کی تلاوت کے بعد رکوع یا سجدہ میں سجدہ تلاوت تب ادا ہوگا جب کہ آیت سجدہ کی تلاوت کے تین آیت پڑھنے سے پہلے رکوع کرے، لیکن اگر آیت سجدہ کی تلاوت کے بعد مزید تین آیت یا اس سے زائد پڑھ لے تو رکوع میں نیت کرنے سے سجدۂ تلاوت ادا نہ ہوگا۔

اس لیے اس مسئلہ کو ہمیشہ ذہن میں رکھنے کی ضرورت ہے۔

مجھے بھی پڑھیے

محترم قارئین!

مذکورہ مضمون کے سلسے میں اپنی رائے کمینٹ میں ضرور لکھیں۔

شکریہ

Tag: #ramazan #trawih_me_sajdah_tilawat #darululuoomdeoband

وضاحت برائے رابطہ :

ہر طرح کے علمی،فکری و اصلاحی مضامین پڑھنے کے لیے، ہر طرح کے اسلامی و سیاسی خبروں سے واقفیت کے لیے

درج ذیل لنکس پر کلک کریں، یوٹیوب چینل کو سبسکرائب کریں۔ شکریہ

محمد امتیاز پَلاموی،مظاہری

7079256979| 6397254972

www.haqbaatkaho.in