26 جنوری یومِ جمہوریہ (مختصر) تقریر Republic day speach urdu

26 جنوری یومِ جمہوریہ (مختصر) تقریر

26 جنوری یومِ جمہوریہ (نختصر) تقریر Republic۔day۔speach۔urdu

محمد امتیاز پَلاموی،مظاہری

نحمده و نصلي عليٰ رسوله الكريم اما بعد

خوشبؤوں پر موج کی روانی رہے گی

زندگی میں کوئی نہ کوئی کہانی رہے گی

ہم بھی بزم میں چار چاند لگا دیں گے

اگر آپ کی تالیوں کی مہربانی رہے گی

دانشورانِ قوم و ملت!

آج کے روز آپ ہندوستان کے جس کونے میں چلے جائیں، جس گلی اور کوچے میں چلے جائیں ، خواہ شہر ہو یا دیہات، گاؤں هو يا قصبہ آپ کو ہر جگہ 26 جنوری یومِ جمہوریہ کے نغمے سنائی دیں گے۔

اب آپ کے دل میں سوال پیدا ہوتا ہوگا کہ جمہوری کس چیز کا نام ہے اور آج کے دن یومِ جمہوریہ کا جشن کیوں منایا جاتا ہے؟

محترم سامعین!

1947ء کو ہمارا ملک ہندوستان آزاد ہوا اور آج کے دن یعنی 26 جنوری 1950ء کو ہمارے ملک کے لیے نیا قانون نافذ کیا گیا، اس لیے ہر سال 26 جنوری کو یومِ جمہوریہ کے نام پر جشن منایا جاتا ہے۔

اور جمہوریت کا مطلب یہ ہے کہ :

اس ملک کے ہر باشندے کو بنیادی حقوق دئے گئے ہیں۔

ہندو ہو یا مسلم ، سکھ ہو یا عیسائی سب کے لیے ایک ہی قانون ہے۔

ہر شخص کو اپنے دھرم، مذہب اور رسم و رواج کے مطابق زندگی گذارنے کی مکمل آزادی ہے۔

اس ملک میں رہنے سہنے اور کھانے پینے کی مکمل آزادی ہے۔

اس ملک کے ہر باشندے کو ہر چیز میں مساوی اور برابری کا حق ہے۔

اپنی بات اس شعر کے ساتھ ختم کرنا چاہتا ہوں:

خدا کرے ہم میں پیار کے رشتے رہیں قائم

اگر یہ ٹوٹ گئے تو ہوجائیں گے ہم درہم برہم

شکریہ

السلام علیکم ورحمۃ اللہ و برکاتہ

یومِ جمہوریہ پر دوسری مختصر تقریر