کہاں "a" اور کہاں "an" استعمال کریں ؟
 |
| a-aur-an-ka-istemal-ka-tarika |
مولانا عبیداللہ قاسمی، دہلی
ہندوستانی ماحول میں انگریزی میں "a" اور "an" کے استعمال کو سمجھنے میں دشواری دیکھی جاتی ہے، لوگ کنفیوژڈ نظر آتے ہیں ۔ اس کی وجہ یہ ہے کہ یہاں گرامر کی کتابوں میں عموماً یہ قاعدہ لکھا ہوا ملتا ہے کہ "a" وہاں استعمال کیا جائے جس سے پہلے موجود اسم "consonant letter" سے شروع ہو اور "an" وہا استعمال کیا جائے جس سے پہلے موجود اسم "vowel letter" سے شروع ہو، قاعدے کو اس طرح بتانا ہی پھیلی غلطیوں اور کنفیوژن کی جڑ ہے، جبکہ صحیح بات "consonant letter" اور "vowel letter" نہیں ہے ؛ بلکہ "consonant sound" اور "vowel sound" ہے۔ اگر قاعدے کو اس طرح بیان کیا جائے تو غلطیاں نہیں ہوں گی۔
اردو داں حلقہ کے لیے "consonant sound" اور "vowel sound " کی شناخت کا آسان طریقہ یہ ہے: کہ وہ دیکھ لیں کہ اسم کا تلفظ ا (الف) سے شروع ہوتا ہے یا نہیں؟ اگر ا (الف) سے شروع ہوتا ہے؛ خواہ اس الف پر زبر ہو ،زیر ہو، یا پیش تو بہرحال اس اسم سے پہلے "an" استعمال ہوگا ، اور جہاں اس کے سوا دوسری آواز سے تلفظ شروع ہو، وہاں بہرحال "a" استعمال کیا جائے گا۔
خلاصہ یہ کہ "a" اور "an" کے استعمال کا مدار حرف (Letter) پر نہیں ؛ بلکہ آواز (sound) پر ہے۔ اگر اس کا تلفظ ا (الف) سے شروع ہو تو "an" استعمال کیا جائے گا، ورنہ "a" استعمال کیا جائے گا۔
مزید وضاحت کے لئے ذیل کی چند مثالیں ملاحظہ فرمائیں:
(۱):۔ "An umbrella" کیونکہ "an umbrella" کا تلفظ ( ا ) سے شروع ہو رہا ہے۔
(٢):- "A book" کیونکہ اسم "Book" کا تلفظ ( ا )کے سوا دوسری آواز سے یعنی ( ب ) سے شروع ہے۔
(٣):- "An hour" کیونکہ اسم کا تلفظ ( ہ ) سے نہیں بلکہ ( ا ) سے شروع ہے۔
(٤):- "A University" کیونکہ اسم کا تلفظ ( ا ) سے نہیں،( ی ) سے شروع ہے۔
(٥):- "An MP, An MLA" کیونکہ ان دونوں مخفف اسموں کا تلفظ ا (الف) سے شروع ہے۔
(٦):- "A member of parliament, A member of legislative assembly" کیونکہ ان دونوں اسموں کا تلفظ ا (الف) کے سوا دوسری آواز یعنی م (میم) سے شروع ہے۔
محترم قارئین!
مذکورہ مضمون کے سلسے میں اپنی رائے کمینٹ میں ضرور لکھیں۔
شکریہ
0 Comments