مقصد زندگی سے غافل نہ ہونا

مقصد زندگی سے غافل نہ ہونا 

موبائل کی اس پہلی نسل کو 1G یعنی فرسٹ جنریشن کا نام دیا گیا ۔ اور اس موبائل میں کال کرنے اور سننے کے سوا کوئی دوسرا آپشن نہیں ہوتا تھا ۔ 

پھر جب موبائلز میں sms سینٹ میسج کا آپشن ایڈ ہوا ، تو ا سے 2G یعنی سیکنڈ جنریشن کا نام دیا گیا ۔ 

پھر جس دور میں موبائل کے ذریعے تصاویر بھیجنے کی صلاحیت بھی حاصل کر لی گئی تو اس ایج  کے موبائل کو 3G یعنی تھرڈ جنریشن کا نام دیا گیا ۔ 

اور جب بذریعہ انٹرنیٹ متحرک فلمز اور مویز بھیجنے کی صلاحیت بھی حاصل کر لی گئی تو اس ایج کے موبائل کو 4G یعنی فورتھ جنریشن کا نام دیا گیا ۔ 

اور ابھی جب موبائلز کی دنیا 5G کی طرف بڑھ رہی تو اس وقت تک دنیا کی ہر چیز کو موبائل میں شفٹ کر دیا گیا ہے ۔ آج دنیا کا شاید ہی کوئی ایسا کام ہوگا جو موبائل سے نہ لیا جا رہا ہو ۔ مگر حیرت ہے کہ اتنی ترقی کرنے اور نت نئے مراحل سے گزرنے کے باوجود یہ موبائل آج بھی اپنا بنیادی کام نہیں بھولا ۔ 

آپ کوئی گیم کھیل رہے ہوں یا فلم دیکھ رہے ہوں ، انٹرنیٹ سرچنگ کر رہے ہوں یا ویڈیو بنا رہے ہوں ۔ الغرض موبائل پر ایک وقت میں مثلا 10 کام بھی کر رہے ہوں ... لیکن جیسے ہی کوئی کال آۓ گی موبائل فورا سے پہلے سب کچھ چھوڑ کر آپ کو بتاتا ہے کہ کال آرہی ہے یہ سن لیں ۔ اور وہ اپنے اصل بنیادی کام کی خاطر باقی سارے کام ایکدم روک لیتا ہے ۔ 

اور ایک انسان جسے اللہ نے اپنی عبادت کے لیے پیدا فرمایا اور ساری کائنات کو اس کی خدمت کے لیے سجا دیا ، وہ اللہ کی کال پر دن میں کتنی بار اپنے کام روک کر مسجد جاتا ہے ؟ مسجد جانا تو درکنار اب اللہ کی کال یعنی اذان پر ہم اپنی گفتگو بھی روکنا مناسب نہیں سمجھتے ۔