مختصر سوانح مولانا سید سلمان حسینی ندوی
مفتی غلام رسول قاسمی
ہندوستان کے معروف اسلامی اسکالر ، مقرر ، مصنف اور عربی و اردو کے ادیب تھے ۔ ان کا تعلق علمی و دینی خاندان سے ہے اور وہ ندوۃ العلماء کے ممتاز علماء میں شمار کیے جاتے رہے ہیں ۔
ولادت و تعلیم:
ولادت و تعلیم پیدائش : 1954ء ،لکھنؤ ابتدائی تعلیم : عربی ، اسلامیات ، حدیث ، فقہ ، تاریخ اور ادب میں تخصص وہ طویل عرصہ تک ندوۃ العلماء میں تدریس اور علمی خدمات انجام دیتے رہے ۔
علمی خدمات :
عربی اور اردو میں متعدد کتابوں کے مصنف ۔ سیرت نبوی ، تاریخ اسلام ، بین الاقوامی اسلامی تعلقات اور دعوتی موضوعات پر خطابات ۔مختلف اسلامی کانفرنسوں میں ہندوستان کی نمائندگی ۔ کئ علمی و تحقیقی اداروں سے وابستگی ۔
تصنیفات :
ان کی متعدد کتابیں عربی اور اردو میں شائع ہو چکی ہیں ، جن میں
سیرت ، تاریخ ، دعوت اور اسلامی فکر کے موضوعات شامل ہیں ،
آخری دور حیات میں متنازع بیانات
حضرت مولانا سید سلمان حسینی ندوی نے اپنی زندگی میں علمی ، دعوتی اور تصنیفی میدان میں نمایاں خدمات انجام دیں، لیکن آخری دور حیات میں ان کے بعض بیانات ، خصوصا صحابہ کرام رضی اللہ عنہم سے متعلق بعض آراء، شدید اختلاف اور تنقید کا سبب بنیں ۔
اہل سنت والجماعت کے متعدد علماء نے ان کے بعض خطابات اور بیانات پر اعتراض کرتے ہوئے کہا کہ حضرت امیر معاویہ رضی اللہ عنہ سمیت تمام صحابہ کرام کا ادب و احترام ایمان کا تقاضا ہے ، لہذا ان کے بارے میں ایسا انداز اختیار کرنا مناسب نہیں جو تنقید یا بے ادبی کا شبہ پیدا کرے ۔ ان بیانات کے باعث مولانا کو علمی و عوامی حلقوں میں سخت تنقید کا سامنا کرنا پڑا ، اور مختلف علماء نے ان کے افکار پر رد اور تنبیہ مضامین بھی تحریر کیے ۔
اگرچہ مولانا کے حامیوں نے بعض مقامات پر یہ مؤقف اختیار کیا کہ ان کی گفتگو کو سیاق و سباق سے ہٹ کر پیش کیا گیا ، لیکن اہل سنت کے اکابر علماء کی ایک بڑی تعداد نے ان وضاحتوں کو کافی نہیں سمجھا اور صحابہ کرام رضی اللہ عنہم کے ادب و احترام پر زور دیا ۔ اس طرح مولانا سید سلمان حسینی ندوی کی زندگی کا آخری دور ان کی علمی خدمات کے ساتھ ساتھ ان متنازع بیانات کی وجہ سے بھی یاد کیا جاتا ہے ۔
انتقال
29 جون 2026 کو مولانا سید سلمان حسینی ندوی کا انتقال ہوا ، اللہ تعالی ان کے ساتھ اپنی مشیت کے مطابق معاملہ فرمائے ، ان کی لغزشوں کو درگزر فرمائے ، اور امت مسلمہ کو حق پر قائم رہنے اور صحابہ کرام رضی اللہ عنہم کی محبت تو تعظیم پر ثابت قدم رکھے ۔
0 Comments